ԱՄՆ նախագահ Դոնալդ Թրամփը երկրում համադաշնակիցների արձանները հանելու ֆոնին հայտարարել է, որ կստեղծի պարկ ազգային հերոսների քանդակներով:
Ելույթ ունենալով Հարավային Դակոտայի Ռաշմոր լեռան հուշարձանի մոտ՝ Թրամփը նշել է, որ պարկում բաց երկնքի տակ կլինեն երբևէ ապրած մեծագույն ամերիկացիների կոթողները:
«Հայտարարում եմ մեր անցյալի հսկաների նոր կոթողների ստեղծման մասին: Ես կստորագրեմ հրաման ամերիկացի հերոսների ազգային պարկի ստեղծման մասին՝ մեծ պարկ բաց երկնքի տակ, որում կլինեն մեծագույն ամերիկացիների արձանները»,- ընդգծել է պետության ղեկավարը:
Թրամփը, սակայն, չի հստակեցրել, թե որտեղ է գտնվելու պարկը, և երբ է այն ստեղծվելու:
