«Հանձնաժողովի ստեղծման փաստը ինքնին ինձ համար ժամանակավրեպ է, որովհետև դեռևս չի ավարտվել կորոնավիրուսի հետ կապված այս ամբողջ իրավիճակը և չգիտենք էլ երբ կավարտվի։ Հետևաբար քննել դրա հետ կապված հանգամանքներ, հասկանալու համար, թե ինչ է եղել, ոնց է եղել և ովքեր ինչ սխալներ են գործել, չեմ կարծում, որ դրա ժամանակն է։ Առավել ևս հենց «Լուսավոր Հայաստան» և «Բարգավաճ Հայաստան» խմբակցությունների կողմից նախաձեռնված, որովհետև հենց «Բարգավաճ Հայաստան» խմբակցության պատգամավորներից էին, որ խախտում էին կորոնավիրուսի հետ կապված պարետատան որոշ ցուցումներ։ Եվ ես կարծում եմ առաջին հերթին «Բարգավաճ Հայաստան» խմբակցությունը պետք է հարց տա իր պատգամավոր Գևորգ Պետրոսյանին, որը ծաղրում էր դիմանկ դնողներին և ինքն էլ դիմակ չէր դնում և առանց դիմակ էր գալիս ԱԺ։ Հենց փորձեն հասկանալ իրենք իրենց պատգամավորների դիրքորոշումները, նոր որոշեն, թե ով ինչ խախտում է կատարել» , – «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Արփինե Դավոյանը։
Հիշեցնենք, որ Կորոնավիրուսի դեմ պայքարը քննող ԱԺ հանձնաժողով է ստեղծվել ԲՀԿ և ԼՀԿ խմբակցությունների ստորագրությամբ։