Օրերս Ֆիրդուսի թաղամասի 19-րդ դարի տուֆակերտ շենքի քանդումը, ինչպես նաև աղյուսաշեն մի քանի շինությունների հետագա ճակատագիրը նորից վեր հանեց Երևանի մշակութային ժառանգության պահպանման հարցը: Երևանի խնդիրների մասին «Առաջին լրատվական»-ը զրուցել է Երևանի ժառանգության պահպանության կոմիտեի անդամ, ճարտարապետ Սևադա Պետրոսյանի հետ:
«Ժառանգության պահպանությունը կարելի է մի քանի հարթություններում դիտել. առաջին՝ պատմականության համատեքստում, երկրորդ՝ մեզ թողնված ժառանգության նկատմամբ մեր հավաքական վերաբերմունքի համատեքաստում, և երրորդ՝ ժառանգության օբյեկտները դիտարկել որպես քաղաքային միջավայր՝ կառույցներ, որոնք պետք է համապատասխանեն քաղաքային պլանավորմանը և հավելյալ արժեք հաղորդել քաղաքային միջավայրին: Մեր միջավայրում նոր և հին կառույցները միասին մեկ ընդհանրության մեջ ներդաշնակ պետք է ներկայացվեն»,- նշեց ճարտարապետը:
«Երևանի քաղաքային միջավայրն այսօր ոչնչացվում է քաղաքային իշխանությունների անտարբերության ներքո»,- ընդգծեց Սևադա Պետրոսյանը:
Մանրամասն՝ տեսանյութում:
