Լուրեր
Չեմ կարող ասել՝ տարաձայնություն կա. Սիսակ Գաբրիելյանը՝ Արմեն Սարգսյան-օրենսդիր հարաբերությունների մասին
  • 16:10
  • 2020-07-03
  • Դիտումներ՝ *

«Որևէ թաքնված բան չկա։ Հենց բուն նպատակն էլ այն է, որ հուլիսի 7-ին չլինի նիստը։ Միջնորդությունն այլ բանի մասին չէ, ինչ դուք եք հասկանում։ Այդտեղ որևէ ենթատեքստ չկա։ Շատ պարզ գրված է, որ ԱԺ-ն, որպես պատասխանող կողմ խնդրում է, միջնորդում է ամսի 7-ին, այսինքն երկուշաբթի օրը նախատեսված այդ նիստը հետաձգել, տրամադրել ողջամիտ ժամկետ փաստաթղթերին ծանոթանալու համար։ Որևէ սենսացիա, որևէ թաքնված բան չկա։ Միջնորդությունը հենց դրա մասին է։ Այո՛, միջնորդում ենք հետաձգել նիստը» , – «Առաջին լրատվականի» հետ զրույցում ասաց ԱԺ «Իմ քայլը» խմբակցության պատգամավոր Սիսակ Գաբրիելյանը։

Հիշեցնենք, ԱԺ նախագահ Արարատ Միրզոյանը տեղեկացրել էր, որ Սահմանադրական դատարանում ՀՀ ԱԺ ներկայացուցիչը միջնորդություն է ներկայացրել ՍԴ՝ խնդրելով հետաձգել 2020թ․ հուլիսի 7-ին նշանակված գործի քննությունը, ԱԺ-ին տրամադրել ՄԻԵԴ և ՎՀ խորհրդատվական կարծիքների հայերեն թարգմանությունները, ինչպես նաև ողջամիտ ժամկետ այդ կարծիքներին ծանոթանալու համար։

  • Դիտումներ՝ *