Վրաստանը դեռ մտադիր չէ բացել ցամաքային սահմանները, հայտարարել է երկրի վարչապետ Գեորգի Գախարիան: «Մենք շտապ քայլեր չենք անելու»,-նշել է նա:
Գախաչիան նաեւ ավելացրել է, որ ցամաքային սահմաններն այժմ բաց են միայն Վրաստանի քաղաքացիների եւ միջազգային փոխադրումների վարորդների համար: «Մենք վարորդների առողջությանը հետեւում են այնքան ժամանակ, քանի դեռ նրանք մեր երկրում են»,-ասել է նա:
Ինչ վերաբերում է ուղիղ ավիահաղորդակցությանը, նրա խոսքերով, բանակցություններ են ընթանում Բալթյան երկրների, Գերմանիայի, Ֆրանսիայի, Լեհաստանի եւ այլ պետությունների հետ: «Դրանք այն երկրներն են, որոնց հետ մենք կարող ենք շատ արագ վերականգնել ավիահաղորդակցությունը»,-նշել է Գախարիան:
Մեկնաբանելով, Վրաստանի ԵՄ անվտանգ երկրների ցուցակում ներառնվելը, Գախարիան ասել է, որ երկիրը պետք է պահպանի այդ նվաճումը:
«ԵՄ-ն այս ցուցակը վերանայելու է երկու շաբաթը մեկ: Ըստ Ձեզ, ո՞րն է ցուցակի վերանայման հիմնական չափանիշը: Համաճարակաբանական իրավիճակը: Մեր հիմնական խնդիրն է կանխել վիրուսի չվերահսկվող տարածումը»,-ասել է նա: