Հուլիսի 2-ի վաղ առավոտյան, Նաթանզաում հրդեհ և պայթյուն է տեղի ունեցել Իրանի միջուկային հարստացման ստորգետնյա գործարանի վերևում գտնվող շենքում, որը ամերիկացի վերլուծաբանները նշում են որպես ցենտրիֆուգներ արտադրող նոր գործարան, հայտնում է AP-ն:
Իրանի ատոմային էներգիայի կազմակերպությունը հրդեհը «միջադեպ» է անվանել, որից տուժել է կառուցվող «արդյունաբերական շինությունը»: Մեկ այլ վարկածի համաձայն, հրդեհի վայրը համապատասխանում է վերջերս բացված ցենտրիֆուգների արտադրության վայրին, հայտարարել է ԱՄՆ Միդլբերի միջազգային հետազոտությունների ինստիտուտից Ֆաբիան Հինցը:
Բացի այդ, շտապ դեպքի վայր են ժամանել Ատոմային էներգիայի կազմակերպության պաշտոնական ներկայացուցիչ Բեհրուզ Քամալվանդին և Ատոմային էներգիայի կազմակերպության ղեկավար Ալի Աքբար Սալեհին:
Քամալվանդին չի հստակեցրել, թե որն է «միջադեպի» պատճառը:
Ավելի ուշ ցանցում լուսանկարներ և տեսանյութեր են հայտնվել, որոնցում երևում է այրված պատերով և քանդված տանիքով աղյուսե շինությունը: Նաև ամերիկյան արբանյակը կարող էր հրդեհը նկարահանել տիեզերքից, քանի որ այն բավականին խոշոր էր: