Լոնդոնի դատարանը երկրի նախագահ է ճանաչել Վենեսուելայի ընդդիմության առաջնորդ Խուան Գուայդոյին, հայտնում է PA գործակալությունը:
Դատարանը երկրի գործող առաջնորդ Նիկոլաս Մադուրոյի կառավարությանը զրկել է վենեսուելական ոսկու հասանելիությունից, որը պահվում է Անգլիայի բանկում: Խոսքը ավելի քան 1 միլիարդ դոլար արժողությամբ ոսկու ձուլակտորների մասին է:
«Նորին մեծության կառավարությունը անվերապահորեն Վենեսուելայի նախագահ է ճանաչում Գուայդոյին՝ անկախ այդ ճանաչման հիմքերից»,- հայտարարել է դատավոր Նայջել Թիրը:
Ըստ գործակալության տեղեկատվության, Վենեսուելայի կառավարության շահերը ներկայացնող փաստաբանները որոշել են վիճարկել դատարանի որոշումը:
