2020 թվականի փետրվարի 19-ի #29(3973) թվակիր հրատարակության «Ժամանակ» օրաթերթի առաջին էջի ձախ կողմի ներքևի հատվածում առկա «Նախկինների կադրը» վերտառությամբ հետևյալ բովանդակությամբ. «Նոր իշխանությունը տուրք տալով ԱԱԾ նախկին տնօրեն Արթուր Վանեցյանի խարդավանքներին՝ դադարեցրեց Պետական վերահսկողական ծառայության պետ Դավիթ Սանասարյանի լիազորությունները, քրեական գործ հարուցեց նրա դեմ ու ՊՎԾ պետի ժամանակավոր պաշտոնակատար նշանակեց կասկածելի պայմաններում շատ երիտասարդ տարիքում հարստացած Արգիշտի Քարամյանին։ «Ժամանակ»-ի տեղեկություններով, սակայն, Քարամյանն այդ համակարգում չի փայլում իր պրոֆեսիոնալիզմով։ Ավելին՝ ժամանակի ընթացքում ազատվելով Սանասարյանի կադրերից և համակարգ բերելով իր կադրերին՝ հաջողությամբ «ջրում» է տարբեր կառույցներում հայտնաբերված ստուգումների արդյունքները, կամ հանկարծակի պարզվում է, որ ստուգված կառույցներում ոչ մի խնդիր չկա։ Ասում են, որ նա կարողանում է հատկապես լեզու գտնել նախկինների հետ» հրապարակումն ամբողջ ծավալով հանդիսանում է զրպարտություն և այն չի համապատասխանում իրականությանը, ինչի կապակցությամբ «Ժամանակ» օրաթերթը հրապարակայնորեն հերքում է այդ տվյալները և ներողություն է խնդրում պարոն Արգիշտի Քյարամյանից: