Մեծ Բրիտանիայի վարչապետ Բորիս Ջոնսոնի հայրը խախտել է Բրիտանիայի կառավարության հրահանգները և Հունաստանի կառավարության կանոնները՝ Հունաստան մեկնելով Բուլղարիայի տարածքով:
Այս մասին հաղորդում է Greek Reporter-ը:
Սթենլի Ջոնսոնը Հունաստան է ժամանել, չնայած նրան, որ արտաքին գործերի նախարարությունը հայտարարել է, որ բրիտանացիներն արտասահման կարող են մեկնել միայն խիստ անհրաժեշտության դեպքում:
Ջոնսոնը Հունաստան է ժամանել երրորդ երկրի միջոցով, ցույց տալով, որ հնարավոր է շրջանցել կանոնները, որոնք սահմանել է Հունաստանի կառավարությունը: Նա Հունաստան է գնացել Բուլղարիայի մայրաքաղաք Սոֆիայից, քանի որ Հունաստանի կառավարությունն արգելել է Մեծ Բրիտանիայի հետ ուղիղ չվերթները մինչեւ հուլիսի կեսերը:
Մեծ Բրիտանիայի վարչապետի 79-ամյա հայրը ժամանել է Աթենք՝ Հունաստանի կենտրոնական մասում գտնվող Պիլիոնի իր առանձնատուն այցելելու համար: Նա իր ճանապարհորդությամբ պարծեցել է Instagram-յան գրառումներում:
https://www.instagram.com/p/CCHXJNBnj4u/?utm_source=ig_embed