Սաուդյան Արաբիան OPEC+ երկրներին սպառնում է նավթային պատերազմով, եթե նրանք չկատարեն արտադրությունը կրճատելու մասին համաձայնագիրը, գրում է The Wall Street Journal- ը՝ վկայակոչելով աղբյուրներին:
Ըստ աղբյուրների՝ Սաուդյան Արաբիայի էներգետիկայի նախարար արքայազն Աբդուլազիզ բին Սալմանը վերջերս վերջնագիր է ներկայացրել Անգոլային և Նիգերիային՝ խնդրելով իրեն ներկայացնել լրացուցիչ կրճատումների ծրագրերը՝ իրենց չմարված պարտավորությունները փոխհատուցելու համար:
Նախարարը նաև երկրներին տեղեկացրել է, որ Սաուդյան Արաբիան կարող է սկսել նավթը ցածր գներով վաճառել՝ Անգոլայի և Նիգերիայի տապալման համար:
Նավթի շուկայում տատանումները սկսվել են մարտի 6-ին, երբ ՕՊԵԿ+ ժողովի մասնակիցներին չհաջողվեց հասնել միասնական որոշման: Գործարքի ձախողումից հետո նավթի գները նվազել են 30%-ով: Մայիսին կնքված գործարքի համաձայն՝ ՕՊԵԿ+ համաձայնագրին մասնակցող երկրները մայիս-հունիս ամիսներին կրճատում են արտադրությունը օրական 9,7 միլիոն բարելով, տարվա երկրորդ կիսամյակում՝ 7,7 միլիոն, իսկ 5,8 միլիոնով՝ մինչև 2022 թվականի ապրիլի վերջը: Դրանից հետո նավթի գները սկսեցին բարձրանալ: