Վրաստանում կորոնավիրուսի հաստատված դեպքերի թիվը հասել է 939-ի։ Վերջին մեկ օրվա ընթացքում հայտնաբերվել է վարակի ութ նոր դեպք։
StopCov.ge կառավարական կայքի տվյալների համաձայն առողջացածների թիվը հասել է 817-ի․ վերջին մեկ օրվա ընթացքում ապաքինվել է 23 հիվանդ։
Վրաստանում փաստացի բուժում է ստանում կորոնավիրուսով 107 հիվանդ։
3080 մարդ գտնվում է կարանտինում, բժիշկների հսկողության տակ է 242 մարդ։ Մինչ օրս, կորոնավիրուսով պայմանավորված մահերի թիվը Վրաստանում հասել է 15-ի։
