ՄԱԿ-ի Անվտանգության խորհուրդը հրադադարի կոչ է արել բոլոր հակամարտությունների համար, առնվազն 90 օր ժամկետով, կորոնավիրուսի ֆոնի վրա, գրում է «ՌԻԱ Նովոստին»՝ վկայակոչելով Գերմանիայի դեսպան Քրիստոֆ Հոյսգենին:
«Անվտանգության խորհուրդն այսօր բանաձև ընդունեց՝ սատարելով COVID-19- ի պայմաններում համաշխարհային հրադադար հաստաելու Գլխավոր քարտուղարի կոչին», – ասել է Հուսգենը:
Նշվում է, որ բռնությունը կարող է բացասաբար անդրադառնալ համավարակի ընթացքի վրա, ինչն իր հերթին կազդի հումանիտար իրավիճակի վրա:
Բացառություն է համարվում միայն ՄԱԿ-ի պայքարը ահաբեկիչների դեմ: