ԱՄՆ պետքարտուղար Մայք Պոմպեոն կոչ է արել Թուրքիայի իշխանություններին չվերածել Սուրբ Սոֆիայի տաճարը մզկիթի և շենքը թողնել որպես թանգարան, հայտնում է «Ինտերֆաքս» -ը:
Նրա խոսքերով, դա ցույց կտա Թուրքիայի պատրաստակամությունը «հարգել ավանդույթները, որոնք կապված են կրոնի և թուրքական պետության բազմակողմանի պատմության հետ»: Կարևոր է նաև այն, որ բոլորը տաճար մուտք գործելու հնարավորություն ունենան, քանի որ թանգարանը տարբեր ավանդույթների և մշակույթների միջև «կամուրջի» օրինակ է:
ԱՄՆ պետքարտուղարն ընդգծել է, որ պատրաստ է աշխատել Թուրքիայի իշխանությունների հետ երկու կողմերին հետաքրքրող հարցերի շուրջ, ներառյալ` կրոնի և մշակույթի օբյեկտների պահպանումը: