Նախօրեին հայտնի դարձավ, որ Արմեն Սարգսյանը չի ստորագրելու ԱԺ-ի կողմից ընդունված «Սահմանադրական դատարանի մասին» օրենքի փոփոխությունների փաթեթը, շատերը կշտամբում են նախագահին, որ այս կարևոր հանգրվանում այս կարևոր փոփոխությունների կողքին չէ: «Առաջին լրատվական»-ի հետ զրույցում անդրադառնալով այա դիտարկմանը՝ Հանրային խորհրդի նախագահ Ստեփան Սաֆարյանը նշեց. «Լավ կլիներ, որ նախագահականից պատշաճ պարզաբանումներ տրվեին, և չընկնեինք ենթադրությունների գիրկը, բայց քանի որ բացատրություններ չեն տրվել, ստիպված ենք ենթադրություններ անել: Երկու խնդիր կառանձնացնեմ, որոնցից առաջինը ժամանակային խնդիրն է: Երբ ՍԴ 4 անդամների վերաբերյալ Սահմանադրական փոփոխությունների փաթեթն էր քննարկվում, որով 3 դատավորների գործունեությունը համարվում է ավարտված և ՍԴ բոլոր անդամների կարգավիճակները հավասարեցվում են, թերևս, ժամանակի գործոնը կար, և գործող իշխանությունը շատպում էր, որ հնարավորինս շուտ այդ փոփոխությունները ուժի մեջ մտնեն: Սահմանադրական դատարանը մտել էր հակասահմանադրական, ապօրինի գործընթացի մեջ և հապճեպ, քաղաքական նպատակներ հետապնդող գործընթաց էր սկսել, խոսքս վերաբերում է հուլիսի 8-ին նշանակված նիստին՝ Ռ. Քոչարյանի դիմումի հիման վրա և Ընդհանուր իրավասության առաջին ատյանի դատարանի: Կարևոր էր ժամկետի խնդիրը, որպեսզի պաշտոնանկ արվեն ապօրինությունների գնացող ՍԴ նախագահը և ՍԴ անդամները…
Այս Սահմանադրությունը իշխանության ճյուղերի ճշգրիտ տարանջատման խնդիր ունի: Այս իրավիճակում քիչ է քննարկվում մի կարևոր դիտանկյուն. վերանանք այն փաստից, որ այսօր Ն. Փաշինյանն է վարչապետ, «Իմ քայլն» է իշխանական ուժը և նախագահն էլ Արմեն Սարգսյանն է. կառավարման այս մոդելի դեպքում, եթե քաղաքական մեծամասնությանն իրավունք է տրված փոփոխել Սահմանադրությունը՝ պատգամավորների 2/3-ի ստորագրությամբ, ապա հարց է ծագում, ո՞րն է նախագահի պատասխանատվությունն այս ամենում… Լուծումների առումով «Իմ քայլը» դուրս չի եկել սահմանադրական կարգավորումների դաշտից, որքան էլ ընդդիմությունը մերկապարանոց մեղադրանքներ ներկայացնի… ՀՀ նախագահն իր այս քայլով լիազորությունները տվեց «Իմ քայլ»-ին՝ պատասխանատվությունը չկիսելով:
Մանրամասն՝ տեսանյութում:
