Այսօր՝ հունիսի 30-ին, Ազգային ժողովում հրավիրվել է արտահերթ նիստ: Այժմ քննարկվում է ՍԴ մասին օրենքում փոփոխություններ կատարելու մասին հարցը:
Անկախ պատգամավոր Արման Բաբաջանյանը հայտարարեց, որ անցած շաբաթվա իրադարձությունները ցույց տվեցին, թե իրականում ինչ դավադիր, հակապետական մարմնի հետ գործ ունենք` ի դեմս ՍԴ արդեն նախորդ կազմի: Անդրադառնալով Քոչարյանի կողմից ՍԴ-ից դիմումը հետ վերցնելու փաստին` նա ասաց. «Դա բացահայտեց, թե ինչ ստվերային համաձայնությունների, գործարքի մեջ են եղել ՍԴ նախկին անդամներն ու նախկին նախագահը սահմանադրական կարգը տապալելու մեջ մեղադրվող Ռոբերտ Քոչարյանի հետ»:
Նրա խոսքով` այդ դրվագը ցույց է տալիս ՍԴ նախկին կազմի բնույթն ու էությունը. «Իսկ դա հանցավոր բնույթ է, բանդայի վերածված խմբակ: Այսօր այդ նույն խմբակը Երևանի կենտրոնում փորել է խրամատ, ՍԴ-ն վերածել է բաստիոնի և պատերազմ է մղում իշխանության ու ժողովրդի դեմ»:
Նա պատկան մարմիններին կոչ արեց անարձագանք չթողնել ՍԴ նախկին նախագահի և նախկին անդամների քաղաքական հայտարարությունները:
Մանրամասները՝ տեսանյութում:
