Լուրեր
Մեր օրակարգում բոլոր սցենարները հաշվարկել ենք, այդ թվում Ծառուկյանի հնարավոր կալանավորումը. Նաիրա Զոհրաբյան
  • 15:21
  • 2020-06-29
  • Դիտումներ՝ *

Իհարկե, մենք հետևելու ենք արտակարգ դրության կանոններին, որևէ հակաօրինական գործողություն, որը կխախտի արտակարգ դրության ռեժիմը մենք և մեր գործընկերները չենք անելու: Այս մասին «Առաջին լրատվական»-ի հետ զրույցում նշեց ԱԺ ԲՀԿ խմբակցության պատգամավոր Նաիրա Զոհրաբյանը:

«Կարծում եմ՝ առաջիկայում պետք է քննարկել այս հարցը, որովհետև որքան ես հասկացա իրենց մեսիջներից, մինչև դեկտեմբեր արտակարգ դրությունը ամսեամիս հնարավոր է երկարաձգվի: Այդքան ժամանակ իրենք իրավունք ունե՞ն քաղաքացուն զրկել իրենց իրավունքից, որոնք այս կամ այն խնդրի վերաբերյալ իրավունք ունեն իրենց անհամաձայնությունը բողոքի ակցիաների, պիկետների ձևով հայտնելու: Մենք այս հարցն անպայմանորեն կքննարկենք»,-ասաց նա:

  • Դիտումներ՝ *