Քաղաքականության հետազոտական կենտրոնը սկսում է «Վիշեգրադյան քառյակի փորձը Հայաստանում բարեփոխումների առաջխաղացման համար» ծրագիրը՝ Վիշեգրադյան հիմնադրամի օժանդակությամբ։ Լեհաստանի, Հունգարիայի, Չեխիայի և Սլովակիայի կողմից ստեղծված հիմնադրամի նպատակն է Կենտրոնական Եվրոպայում հարատև տարածաշրջանային համագործակցության առաջխաղացումն է:
Նախագծի նպատակը Հայաստանի կառավարության կողմից, ինչպես նաև Հայաստան-ԵՄ Համապարփակ և ընդլայնված գործընկերության համաձայնագրով առաջնահերթություն համարվող որոշ ոլորտներում բարեփոխումներին նպաստելն է: Ծրագիրը ներառում է 5 ոլորտ.
– Կենտրոնական Եվրոպայի երկրների քաղաքականությունն ու Արևելյան գործընկերության շրջանակում բարեփոխումներին ցուցաբերվող օժանդակությունը,
– անվտանգության ոլորտի բարեփոխում,
– առողջապահություն և սոցիալական քաղաքականություն,
– այլընտրանքային էներգետիկայի զարգացում,
– ՏՏ ոլորտ, էլեկտրոնային կառավարում և տեղեկատվական հասարակություն:
Ծրագիրն իրականացվում է Վիշեգրադյան քառյակի երկրները ներկայացնող հայտնի փորձագետների հետ համագործակցությամբ: Կենտրոնական Եվրոպայի երկրների քաղաքականության վերաբերյալ հուլիսի ընթացքում կկազմակերպվի 4 օնլայն սեմինար: Սեպտեմբերից սկսած, մյուս թեմաներից յուրաքանչյուրի վերաբերյալ տեղի կունենա երեքական սեմինար, իսկ այնուհետև՝ քննարկում հայ պաշտոնյաների ու փորձագետների մասնակցությամբ:
Սեմինարների աշխատանքային լեզուն անգլերենն է, իսկ եզրափակիչ քննարկումների՝ հայերենը: Աշնանից քննարկվելիք թեմաների վերաբերյալ համապարփակ վերլուծություններ ու քաղաքականության առաջարկներ նախապատրաստելու համար պլանավորվում է նաև անցկացնել մրցույթ (վերլուծությունները պետք է լինեն հայերեն, հեղինակները կվարձատրվեն):
Բացի այդ, երիտասարդ փորձագետները յուրաքանչյուր թեմային վերաբերող բոլոր 4 միջոցառումներին մասնակցելու ու 3-5 էջի սահմաններում հոդվածներ հրապարակելու դեպքում կարող են ստանալ հավաստագրեր։
Ցավոք, համաճարակային իրավիճակի պատճառով նախապես պլանավորված ծրագրի հանդիսավոր բացումը չեղարկվել է: Հուլիսի 3-ին ժ. 12:00 Zoom հավելվածի միջոցով կազմակերպվի առաջին սեմինարը՝ «Արևելյան գործընկերություն. հայացք Լեհաստանից». զեկույցով հանդես կգա Res Publica հիմնադրամի նախագահ, «Visegrad Insight» հանդեսի գլխավոր խմբագիր Վոյչեխ Պշիբիլսկին: Մասնակցության համար անհրաժեշտ է գրանցվել. https://forms.gle/U9jKeSH1dMHZK1Y49
Գործընկերների ու ծրագրի մասին լրացուցիչ տեղեկությունների համար խնդրում ենք այցելել https://centreforpolicystudies.org/Visegrad կայքէջը, իսկ հետագա միջոցառումների մասին տեղեկանալու համար նաև հետևել ՔՀԿ-ին ֆեյսբուքում ու թվիթերում: