ԱՄՆ նախագահ Դոնալդ Թրամփը քննադատել է The New York Times-ին՝ Աֆղանստանում ամերիկյան զինուժի վրա հարձակումներին ենթադրաբար Ռուսաստանի ներգրավվածության վերաբերյալ հոդվածի համար: Քաղաքական գործիչը Twitter-ում հերքել է Ռուսաստանի Դաշնության մեղավորության մասին տեղեկատվությունը:
Ըստ նրա, ոչ ոք իրեն չի հայտնել այն մասին, թե ռուսները հարձակվել են Աֆղանստանում ամերիկյան զորքերի վրա: Նա ամերիկյան պարբերականից հետաքրքրվել է, թե ով է իրենց անանուն աղբյուրը, որը նման կեղծիք է հայտնել:
«Հավանաբար, ուղղակի NYT-ի հերթական կեղծ հոդվածն է», – ենթադրել է Թրամփը:
Նա նաև ավելացրել է, որ ինքը չի պաշտպանում Ռուսաստանի Դաշնությանը, քանի որ «ոչ ոք Ռուսաստանի հետ այնպես կոշտ չի եղել, ինչպես Թրամփի վարչակազմն է»:
Ավելի վաղ The New York Times-ը գրել էր, որ Ռուսաստանն իբր խրախուսում է «Թալիբան» ահաբեկչական շարժման զինյալներին, որպեսզի նրանք հարձակվեն Աֆղանստանում միջազգային կոալիցիայի զորքերի վրա: