Հագուստի ամերիկյան արտադրող Gap-ը և ռեփեր Քանյե Ուեսթը հայտարարել են, որ կնքել են 10-ամյա պայմանագիր՝ երաժիշտին պատկանող Yeezy ապրանքանիշի հագուստ արտադրելու համար:
Երիտասարդների համար հագուստի շարքը կհայտնվի Gap խանութներում 2021 թվականին: Վաճառքում կլինեն տոլստովկա, շապիկներ, ջոգեր և հիմնական հագուստ:
Պայմանագրի վերաբերյալ լուրի հայտնվելուց հետո Gap-ի բաժնետոմսերը աճել են 42% -ով՝ գրանցելով մարտ ամսվանից ի վեր առավելագույն ցուցանիշ, երբ բաժնետոմսերի գինը նվազել էր կորոնավիրուսի համավարակի պատճառով՝ հայտնում է Reuters-ը:
