Լուրեր
Հները բարոյական իրավունք չունեն խոսելու. գեներալ Արկադի Կարապետյան
  • 22:15
  • 2020-06-27
  • Դիտումներ՝ *

Անկեղծ ասած, ես Իլհամ Ալիևին լուրջ չեմ վերաբերվում, օրինակ նրա հորը լուրջ էի վերաբերվում: Այս մասին «Առաջին լրատվական»-ի հետ զրույցում նշեց Լեռնային Ղարաբաղի ինքնապաշտպանության ուժերի առաջին հրամանատար, Ղարաբաղյան պատերազմի վետերանների միության նախագահ, գեներալ Արկադի Կարապետյանը՝ անդրադառնալով Ադրբեջանի նախագահի հայտարարությանը, թե նորանկախ Հայաստանի ամբողջ պատմությունն ամոթի պատմություն է:

«Հայրը լավը չէր, բայց լուրջ մարդ էր, իսկ սա ոչ լավն է, ոչ էլ լուրջ է: Անլուրջ տղա է: Չեմ ուզում հայհոյել, բայց չեմ կարող ակնհայտ բաներն ասել առանց դրա: Ում հետաքրքիր է, թե պատմությունն ինչպես է եղել, ով մի քիչ փորփրի պատմությունը և մի քիչ ուղեղ ունենա, իր համար շատ պարզ կլինի, թե ինչը ոնց է եղել: Ընդ որում, սա միայն Ալիևին չի վերաբերվում, երբ մեկ-մեկ նայում են ֆեյսբուքը, տեսնում եմ, որ հայեր կան, որ Ալիևից դեբիլ են: Այսինքն ակնհայտ բաներ կան, որ ամբողջ աշխարհը գիտի ու էդքանից հետո այդ մարդը ինչ-որ հավակնություններ ունի»,-ասաց նա:

  • Դիտումներ՝ *