Անգլիացի գրող Արթուր Կոնան Դոյլի ժառանգները դատի են տվել Netflix- ին՝ մեղադրելով ընկերությանը հեղինակային իրավունքի խախտման մեջ՝ «Էնոլա Հոլմս» ժապավենը ստեղծելիս:
Ինչպես գրում է The Independent պարբերականը, ֆիլմը հիմնված է ֆանտաստ գրող Նենսի Սփրինգերի գրքերի շարքի վրա՝ Շերլոք Հոլմսի կրտսեր քրոջ մասին: 2014 թվականից սկսած, գրողի ընտանիքը դադարել է հեղինակային հոնորարներ ստանալ այն ստեղծագործությունների համար, որոնք գրվել են մինչև 1923 թվականը՝ դրանք որպես անրային սեփականություն ճանաչելով։
Դոյլի ժառանգները կարծում են, որ Սփրինգերը գրքերում օգտագործել է գրողի ավելի ուշ ժամանակվա գործերից տարրեր, որոնք դատարանի արգելքի տակ չեն: Գրողի հարազատները նաև դատական հայց են ներկայացրել ընդդեմ ռեժիսորների, ֆիլմի սցենարիստների, Legendary Pictures կինոընկերության, Penguin Random House հրատարակչության։
Ֆիլմի պրեմիերան նախատեսված էր այս տարվա վերջին: Էնոլա Հոլմսին մարմնավորել է Միլի Բոբբի Բրաունը, իսկ Հենրի Քեմիլը՝ Շերլոքին։