ՄԱԿ-ը ծառայողական հետաքննություն է սկսել Թել Ավիվում համացանցում հայտնված տեսանյութի վերաբերյալ, որում տղամարդը և կինը սեքսով են զբաղվում ընկերության խորհրդանիշներով ընթացքի մեջ գտնվող ավտոմեքենայում: Այս մասին հայտարարել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը:
«Կարող եմ ասել, որ մենք ցնցված ենք տեսանյութի կադրերից և ծայրաստիճան անհանգստացած,- ասել է Դյուժարիկը:- Նման պահվածքը հարվածում է կազմակերպության հեղինակությանը»:
ՄԱԿ-ի ներկայացուցիչը հաղորդել է, որ ներկա պահին հետաքննություն է ընթանում, և տեսանյութում պատկերված անձանց ինքնությունն արդեն պարզվել է: «ՄԱԿ-ի Ներքին վերահսկողական ծառայության վարչության մեր գործընկերները հետաքննություն են սկսել, որը շատ արագ է ընթանում,- նշել է նա:- Մենք պարզել ենք վայրը, որտեղ տեղի է ունեցել միջադեպը: Այդ անձինք, ամենայն հավանականությամբ, կապված են ՄԱԿ-ի հրադադարի պահպանման պայմանները վերահսկող մարմնի հետ»:
«Հուսով ենք, որ հետաքննությունը շուտով կավարտվի, և կձեռնարկվեն բոլոր անհրաժեշտ միջոցները»,- եզրափակել է Դյուժարիկը:
