Անցած մեկ օրում մեր երկրում հաստատվել է կորոնավիրուսային հիվանդության 759 նոր դեպք, ընդհանուր՝ 23247, ունենք 814 առողջացած մարդ, ընդհանուր՝ 12․149, մահվան դեպքերն ավելացել են 13-ով, ընդհանուր՝ 410-ը։ Առողջապահության նախարարությունից հայտնում են, որ մահացած պացիենտները եղել 48, 51, 53, 55, 62, 64, 64, 64, 70, 79, 86, 88, 89 տարեկան: Բոլորն ունեցել են ուղեկցող քրոնիկական հիվանդություններ։ Այսպիսով, Կորոնավիրուսային հիվանդությամբ փաստացի բուժում է ստանում 10557 մարդ։ Թեմայի շուրջ «Առաջին լրատվական»-ը զրուցել է ԵՊԲՀ քոլեջի տնօրեն, հանրային առողջապահության մասնագետ Ալեքսան Հովհաննիսյանի հետ:
Ալեքսան Հովհաննիսյանի խոսքով՝ խրոնիկական հիվանդություններ ունեցող բոլոր հիվանդների մոտ չէ, որ կորոնավիրուսային հիվանդության ընթացքը ծանր է ընթանում կամ մահվան ելք է ունենում:
«Մահացության ելքով դեպքերը Հայաստանում կազմում է 24 տոկոս, ինչն ավելի ցածր է, քան շատ այլ երկրներում, որտեղ 36-ից մինչև 40 տոկոս է կազմում»,- նշեց մեր զրուցակիցը:
Ա.Հովհաննիսյանի խոսքով՝ արդեն սկսելու են կիրառվել հայկական արտադրության ՊՇՌ տեստերը, ինչը մեծ ձեռքբերում է մեր երկրի համար: Նաև հնարավորություն կստեղծվի զանգվածային թեստավորում իրականացնել՝ ավելի քիչ գումար ծախսելով:
Ալեքսան Հովհաննիսյանի կանխատեսմամբ՝ հոկտեմբեր-նոյեմբերին սպասվում է կորոնավիրուսի վարակի երկրորդ փուլը, որն ավելի դժվար փուլ կլինի:
Մանրամասն՝ տեսանյութում:
