Լուրեր
ՍԴ շուրջ արհեստական լարվածություն ստեղծող ուժերը չեն կարող իշխանության ծրագրերը խառնել. Ռուստամ Բադասյան
  • 11:30
  • 2020-06-26
  • Դիտումներ՝ *

«Չեմ կարծում, որ կրքերը շարունակվում են բորբոքվել, ուղղակի արհեստական լարվածություն ստեղծելու միտում կա»,- ՍԴ շուրջ տեղի ունեցող զարգացումների վերաբերյալ «Առաջին լրատվական»-ի հետ զրույցում ասաց արդարադատության նախարար Ռուստամ Բադասյանը:

Նախարարի խոսքով՝ չկա որևէ քաղաքական գործիչ կամ որևէ իրավաբան՝ նաև նախկին իշխանության շրջապատից, ովքեր պնդում են, թե ուժի մեջ չեն մտել Սահմանադրության փոփոխությունները կամ հնարավոր է հաշվի չնստել. «Այս թեման արդեն փակված է»:

Ռուստամ Բադասյանի կարծիքով՝ այն քաղաքական ուժերը, որոնք արհեստական օրակարգեր են փորձում ստեղծել, որևէ ունակություն և ներուժ չունեն որևէ կերպ իշխանության ծրագրերը խառնելու, հետևաբար անիմաստ փորձեր են. «Երեկվա զավեշտալի պատմությունը վկայում է նաև այդ պայքարի մակարդակի մասին, երբ ակնհակտորեն պահանջվում է 27 պատգամավորի ստորագրություն, և հնարավոր է 26.4-ը կլորացնել դեպի 26 և պնդել, որ 26 ստորագրությունը բավարար է: Եվ երևի հարց պետք է տրվի «Բարգավաճ Հայաստան» խմբակցությանը, թե ուր էին շտապում երեկ՝ դիմումը հենց անպայման երեկ մուտք անելու ՍԴ, ինչն էր նրանց ստիպել այդպես շտապել»:

 

 

Մանրամասն՝ տեսանյութում:

  • Դիտումներ՝ *