Անցած մեկ օրում Հայաստանում հաստատվել է կորոնավիրուսի 771 նոր դեպք, ընդհանուր՝ 22․488, առողջացել է 538 մարդ, ընդհանուր՝ 11․335։ Կորոնավիրուսային հիվանդությունից մեկ օրում մահացել է 11 քաղաքացի, ընդհանուր՝ 397 դեպք: ՀՀ առողջապահության նախարարությունից հայտնում են, որ մահացած բուժառուները եղել են 60, 61, 61, 66, 67, 69 տարեկան տղամարդիկ և 44, 46, 71, 74, 90 տարեկան կանայք։ Բոլորն ունեցել են ուղեկցող քրոնիկական հիվանդություններ։ Կորոնավիրուսային հիվանդությամբ փաստացի բուժում է ստանում 10․625 մարդ: Թեմայի շուրջ «Առաջին լրատվական»-ը զրուցել է ԵՊԲՀ Հերացի թիվ 1 համալսարանական հիվանդանոցի վերակենդանացման բաժանմունքի բժիշկ Հայկ Հովհաննիսյանի հետ:
«Հիմնական բարդությունները Covid-ով վարկավելու դեպքում թոքաբորբերն են, ինֆեկցիայի տարածումն ամբողջ օրգանիզմով, երբ առաջանում է սուր շնչառական անբավարարություն. Մեր պրակտիկայում եղել են դեպքեր, երբ օրգանիզմում անգամ սարքերով հնարավոր չի լինում բավարարել թթվածնաքաղցը: Հիմնականում մահերը վրա են հասնում բազմաօրգան անբավարարության հետևանքով»,- նշեց Հայկ Հովհաննիսյանը: Նրա հավաստմամբ՝ խրոնիկ հիվանդություններ ունեցող բոլոր հիվանդների մոտ չէ, որ կորոնավիրուսային վարակը ծանր է ընթանում: Բժշկի խոսքով՝ ասիմպտոմ, թեթև դեպքերը բուժման կարիք չունեն:
Մանրամասն՝ տեսանյութում: