«Կորոնավիրուսի հետ կապված իրավիճակը ես նույնպես ճգնաժամ չեմ համարում, որովհետև իրավիճակ է, որ ամբողջ աշխարհում հիմա կա և այս իրավիճակից պետք է փորձենք հաղթանակած դուրս գալ։ Այսինքն՝ սա համարենք, որպես հնարավորություն բոլորիս համար և՛ հնարավորություն տնտեսության համար, հնարավորություն մեր ազգային համախմբման համար։ Որովհետև մենք այսօր տեսանք վարչապետը հրապարակեց նաև մի քանի ընդդիմադիր կուսակցությունների անուններ, որոնք ընդհանրապես չեն մասնակցում այս համավարակի դեմ պայքարի գործընթացին։ Դեռ ավելին, իրենց գործողություններով կամ անգործությամբ նպաստում են, որ մարդիկ դիմակ չկրեն և այլն։ Սա բերում է մի գործընթացի, որը խոչընդոտում ընդհանուր պրոցեսը ավելի արագ անցնելուն և այս համավարակը ավելի արագ հաղթելուն» , – «Առաջին լրատվականի» հետ զրույցում ասաց ԱԺ «Իմ քայլը» խմբակցության պատգամավոր Վարազդատ Կարապետյանը։