2014 թվականին Ռուսաստանը հարձակվել է Ուկրաինայի վրա, բռնակցել է Ղրիմը, օկուպացրել Լուգանսկը եւ Դոնեցկը, իսկ դրանից առաջ նա հարձակվել է Վրաստանի վրա, հայտարարել է Լեհաստանի նախագահ Անջեյ Դուդան ԱՄՆ նախագահ Դոնալդ Թրամփի հետ համատեղ ասուլիսի ժամանակ:
«2014-ը Բալթյան երկրների եւ լեհ հանրության համար վախերի տարի էր: Այսօր ՆԱՏՕ-ի եւ ամենից առաջ ԱՄՆ զինվորականների ներկայությունը Լեհաստանում ցույց է տալիս, որ ՆԱՏՕ-ի հետ պայմանագրի 5-րդ հոդվածը լրջորեն է նայվում: Դա ցույց է տալիս, որ եթե ինչ որ մեկը ցանկանար հարձակվել Լեհաստանի վրա, դա նրանց համար փափուկ վայրէջք չի լինի»,-նշել է Լեհաստանի նախագահը:
Թրամփը եւ Դուդան հայտարարել են Լեհաստանում ամերիկացի զինվորականների թվի մեծացման մասին: Նրանք նաեւ հաստատել են, որ Լեհաստանում ատոմակայանի կառուցման մասին երկկողմանի համաձայնության են հասել:
«Մենք կփոքրացնենք մեր զինվորական ներկայացուցչությունը Գերմանիայում: Զինվորականների մի մասը կվերադառնա ԱՄՆ, մի մասը կտեղափոխվի եվրոպական այլ երկրներ, այդ թվում եւ Լեհաստան»,-ասել է Թրամփը: