Թուրքիայում հունիսի 24-ին կորոնավիրուսից (Covid-19) մահացել է 24 մարդ։ Այդ մասին «Twitter»-ի իր պաշտոնական էջում հաղորդել է Թուրքիայի առողջապահության նախարար Ֆահրեթին Քոջան։
Նախարարը նշել է, որ 1 օրում 53․486 թեստ է արվել, ինչի արդյունքում կորոնավարակի 1.492 նոր դեպք է հաստատվել։ Նույն ժամանակահատվածում գրանցվել է վարակակիրների մահվան 24 դեպք, իսկ ապաքինման 1.386 դեպք:
Ըստ պաշտոնական տվյալների` մինչև օրս համավարակից ապաքինվել է 164.234 մարդ, վերակենդանացման բաժանմունքում է գտնվում 914 հիվանդ։
Թուրքիայում մինչև օրս արձանագրվել է վարակվածության 191․657 և մահվան 5․025 դեպք։ Թեստավորումների թիվը հասել է 3 մլն 83.121-ի։