Այսօր՝ հունիսի 24-ին, Ազգային ժողովում հրավիրվել է արտահերթ նիստ: Այժմ շարունակում է քննարկվել 2019թ. պետական բյուջեի կատարման տարեկան հաշվետվությունը:
«Իմ քայլը» խմբակցության ղեկավար Լիլիթ Մակունցը նշեց, որ կառավարության գնահատականին լավագույն գնահատականը տվել է «Լուսավոր Հայաստան» խմբակցության ղեկավար Էդմոն Մարուքյանը` 2019-ը անվանելով ոսկե տարի. «Ընդ որում, դա ասվել է մի քանի ամիս առաջ»:
Նրա խոսքով` կառավարությունը ստիպված է եղել լուծել մի քանի տարի բարձիթողի եղած խնդիրներ:
Թե ինչու է բոյկոտում ԲՀԿ-ն, Մակունցը նշեց. «Դա իր իրավունքն է, և հարցը պետք է տրվեր հենց այդ խմբակցությանը: Իսկ եթե իրավական պրոցեսներին չխոչընդոտել դուք համարում եք ընդդիմությանը լռեցնել, ուրեմն դուք ազնիվ չեք»:
Նրա խոսքով` ՀՀ-ում չկա քաղաքական և այլ ճգնաժամ, այն պայմանավորված է միայն կորոնավիրուսով: Իսկ ինչ վերաբերում է ընդդիմությանը լռեցնելուն, Մակունցն ասաց. «Մամուլ կարդացեք` քանի տոկոսն է զբաղված իշխանությանը գովերգելով, քանիսը` քննադատելով, հաճախ նաև խախտելով էթիկայի նորմերը»:
Մանրամասները՝ տեսանյութում:
