Ֆրանսիան անհրաժեշտ է համարում, որպեսզի Եվրամիություում որքան հնարավոր է շուտ տեղի ունենան քննարկումներ Թուրքիայի հետ հարաբերությունների հեռանկարների շուրջ: Ինչպես հաղորդում է «ՌԻԱ Նովոստին», այդ մասին նշել է Ֆրանսիայի արտաքին գործերի նախարար Ժան-Իվ Լե Դրիանը:
«Ֆրանսիան անհրաժեշտ է համարում, որպեսզի Եվրոպական միությունը շատ արագ, առանց որևէ տաբուի, սկսի քննարկել ԵՄ-ի ապագա հարաբերություններն Անկարայի հետ, որպեսզի ԵՄ-ն ամուր կերպով պաշտպանի իր սեփական շահերը, քանի որ նա դրա համար ունի հնարավորություններ»,- ասել է Լե Դրիանը՝ Սենատում ելույթի ժամանակ: