«Կարող եմ ասել, որ սրա տակ որևէ հաշվարկ չկար, ինչից ինքնաբերաբար ենթադրվում է, որ դա զուտ քաղաքական հայտարարություն էր։ Հայաստանում սով երեք ամիս հետո չի լինելու, ինչպես հիմա։ Տնտեսությունը դատելով որոշ ցուցանիշներից կարելի է պնդել, որ մի քիչ ավելի արագ է վերականգնվում, քան մենք էինք սպասում։ Այսինքն՝ մենք երեք ամիս հետո կարող է չհիշենք, որ տնտեսական ճգնաժամ է եղել։ Ոչ թե սով կլինի, այլ նույնիսկ կարող է չհիշենք, որ տնտեսական դժվարություններ կային» , – «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Հայկ Գևորգյանը՝ անդրադառնալով Գագիկ Ծառուկյանի հայտարարությանը, թե երեք ամիս հետո սով է լինելու։