Իրանի արտաքին գործերի նախարար Մոհամադ Ջավադ Զարիֆը հայտարարել է, որ երկիրը պատրաստ է բանակցություններ սկսել այս տարվա հունվարին «Ուկրաինայի միջազգային ավիաուղիների» ինքնաթիռի կործանման պատճառով վնասի փոխհատուցման վերաբերյալ: Այս մասին հաղորդել է ՌԻԱ Նովոստին՝ հղում անելով Կանադայի արտաքին գործերի նախարարությանը:
Զարիֆն իր կանադացի գործընկեր Ֆրանսուա-Ֆիլիպ Շամպանի հետ հեռախոսազրույցի ընթացքում խոստացել է, որ Իրանի իշխանությունները անհապաղ կուղարկեն օդանավի ձայնագրիչները Ֆրանսիա՝ անալիզ իրականացնելու համար:
Նա նաև համաձայնել է բանակցություններ սկսել փոխհատուցումների վերաբերյալ և հաղորդել այդ մասին թարմացված տեղեկատվությունը այս շաբաթ կայանալիք Քաղաքացիական ավիացիայի միջազգային կազմակերպության հանդիպմանը։
Ավելի վաղ, Ուկրաինայի նախագահ Վլադիմիր Զելենսկին կանադական The Globe and Mail պարբերականին տված հարցազրույցում ասել էր, որ Կիևը կարող է միջազգային դատարաններ դիմել, եթե Իրանը չտրամադրի Թեհրանում խոցված Boeing ինքնաթիռի սև արկղերը: