Ավստրիայի վարչապետ Սեբաստիան Կուրցը հունական հայտնի «Կատիմերինի» (Kathimerini) թերթին տված հարցազրույցում անդրադարձել է վերջին շրջանում թուրք-հունական հարաբերությունների սրման պատճառ դարձած փախստականների հարցին։
Նա նշել է, որ ԵՄ-ն թույլ չի տա, որ Թուրքիան իրենց շանտաժի ենթարկի։
«Թույլ չենք տա, որ Թուրքիան, փախստականներին օգտագործելով, սպառնա ԵՄ-ին։ Նրանք կրկին ու կրկին փորձում են դա անել։ Հունաստանի և ԵՄ-ի սահմանները պաշտպանելու համար մենք մարտին օգնություն ուղարկեցինք Մարիցայի շրջան»,-ասել է նա՝ հավելելով, որ այդ օգնության նպատակը Թուրքիային հստակ ուղերձ հղելն էր։