Մայր օրենքում կատարվող փոփոխություններին անգամ պատգամավորները չեն կարողանում ժամանակին ծանոթանալ, և այս հրատապությունը կրկին անգամ փաստում է ոչ այդքան ազնիվ վարքագծի մասին։ Այս մասին ԱԺ ճեպազրույցի ժամանակ ասաց «Լուսավոր Հայաստան» խմբակցության պատգամավոր Տարոն Սիմոնյանը։
«Սահմանադրական փոփոխությունների հանձնաժողովն աշխատանքներ տանում է փոփոխություններ կատարելու ուղղությամբ, այդ թվում նաև ՍԴ հարցը քննարկման առական է, այս հրատապությունը չենք հասկանում՝ ինչով է պայմանավորված։Այն տեքստը, որն այսօր պետք է քննարկվվի, նոր ենք ծանոթացել և ոչ թե պաշտոնական կայքէջից, այլ լրատվամիջոցների հրապարակումներից, որը մեկ անգամ ևս փաստում է, որ մայր օրենքում կատարվող փոփոխություններն անգամ պատգամավորները չեն կարողանում ժամանակին ծանոթանալ։ Այս հրատապությունը կրկին անգամ փաստում է ոչ այդքան ազնիվ վարքագծի մասին»,-ասաց պատգամավորը։