Բարդու նրբախավն ալերգիա չի առաջացնում, քանի որ այն ծաղկափոշի չէ, հայտարարել է Մոսկվայի առողջապահության դեպարտամենտի ալերգոլոգ-իմունոլոգ Ալեքսանդր Պամպուրան՝ «Գովորիտ Մոսկվա»-ի եթերում:
Այնուամենայնիվ, բարդու նրբախավը կարող է այլ բույսերի ծաղկափոշու փոխադրող լինել: Հետևաբար, մարդիկ, ովքեր ալերգիա ունեն ծաղկափոշու նկատմամբ, պետք է բժշկական պաշտպանիչ միջոցներ օգտագործեն:
Բարդու նրբախավի սեզոնը մայիսի վերջին և հունիսի սկզբին է: Հենց այս ժամանակահատվածում է որոշ մարդկանց մոտ սրվում ալերգիան: