Լուրեր
Ֆիրդուսի շուրջ դիմադրության պատճառը մասնագիտական հանրությանը մասնակցայնությունից դուրս դնելն է

Ժամանակին Երևանը բաժանված է եղել թաղերի, որոնց մի մասի շինությունները պահպանվել են, մյուս մասը քանդվել է և մնացել մեր հիշողություններում, և կան երևանյան թաղամասեր, որոնք շուտով անհետանալու են. այդ անհետացողների ցանկում է նշանավոր Ֆիրդուսի թաղամասը: Վերջին օրերին քաղհասարակությունը ստիպված եղավ համախմբվել, մասնագիտական հանրությունը նույնպես միացավ՝ միասին պայքարելու Ֆիրդուսի թաղամասի ճակատագրի համար, որովհետև հայտնի է դարձել, որ կառուցապատողը քանդել է 19-րդ դարին վերագրվող մի շենք և այդ նույն ճակատագիրն է սպասվում նաև մեկ այլ շենքի:

Թեմայի շուրջ «Առաջին լրատվական»-ը զրուցել է ճարտարապետ Միսակ Խոստիկյանի հետ:
«Անցյալի վերանայումն է բերում ապագային, բայց այստեղ շատ ավելի ուժեղ ջանք է պետք գործադրել՝ անցյալին գերի չմնալու համար,- նշեց Միսակ Խոստիկյանը:- Ե՛վ նրանք, ովքեր պայքարում են, որ չքանդվի, և՛ նրանք, որ պայքարում են նորը կառուցելու համար, անցյալի են վերադառնում, առաջինները փորձում են պահպանել հինը, երկրորդները՝ նորը կոռուցելով են ինբրև թե ուզում պահպանել ծանոթ մի բան. սև քաղաքի շահարկումը, «հայրենաբաղձությունը» շատ թանկ է նստելու այս քաղաքի վրա»:

Ճարտարապետի դիտարկմամբ՝ Երևանի կերտողական աշխատանքների վերաբերյալ որոշումներ կայացնելիս մասնագիտական հանրության կարծիքները հաշվի չեն առնվում. «Ֆիրդուսի շուրջ դիմադրության պատճառը մասնագիտական հանրությանը նոր Երևանի կառուցման գործընթացից դուրս դնելն է: Մնում է պայքարել»:
Միսակ Խոստիկյանի խոսքով՝ պետք է մրցույթներ հայտարարել. «Դրանց միջոցով երիտասարդները շատ լավ կդրսևորվեն»:

 

Մանրամասն՝ տեսանյութում:

  • Դիտումներ՝ *