Թայլանդում առաջարկել են օրինականացնել մարմնավաճառությունը եւ սեքս-խաղալիքների վաճառքը, որպեսզի հաղթահարեն սեքսուալ բռնությունների աճը: Նման մտահղացմամբ հանդես է եկել խորհրդարանի պատգամավոր Մոնգկոլկիտ Սուկսինտխարանոնը, հաղորդում է Bangkok Post-ը:
Նա գտնում է, որ պետությունը պետք է օգնի նաեւ նրանց, ովքեր իրենց չեն կարող սեքս-ծառայություններ թույլ տալ: «Դեպքերի մեծ մասի ժամանակ բռնաբարում են տարիքով տղամարդիկ, որոնց կանայք մահացել են եւ ցածր եկամուտ ունեցողները»,-ասել է նա: Նրա կարծիքով, այդ մարդիկ իրենց ցանկությունները բավարարելու հնարավորություն չունեն, ինչից էլ երկորւմ աճում են հանցագործությունները: Պատգամավորը ենթադրել է, որ մարմնավաճառության օրինականացումը թույլ կտա կանխել սեքսուալ հանցագործությունները:
Թայլանդի պատգամավորը խոստացել է, որ Ներկայացուցիչների պալատին կխնդրի աջակցել իր առաջարկին: Կոմիտեն ցանկանում է հաշվի առնել բռնության դեմ պայքարի բոլոր խորհուրդները: Հուլիսին խորհրդարանը կներկայացնի իր առաջարկները նոր օրինագծի վերաբերյալ:
Bangkok Post-ը նշում է, որ քննարկումը տեղի է ունեցել Թաիլանդում տեղի ունեցած բռնաբարության մի քանի դեպքերով: Դա հանգեցրել է նրան, որ բնակչությունը պահանջում էր ներմուծել քիմիական կասեցում՝ որպես հանցագործների ահաբեկման միջոց: