Բելառուսի նախագահ Ալեքսանդր Լուկաշենկոն Ուկրաինայի առաջնորդ Վլադիմիր Զելենսկուն հրավիրել է՝ մասնակցելու երկու երկրների տարածաշրջանների ֆորումին: Այս մասին հայտնում է «ՌԻԱ Նովոստի»-ն՝ վկայակոչելով Կիևում Բելառուսի դեսպանատան մամուլի ծառայությանը:
«Ուկրաինական կողմը հրավեր է ստացել Բելառուսի Հանրապետության նախագահ Ա.Գ. Լուկաշենկոյից: Ուկրաինայի նախագահ Վ.Ա. Զելենսկին 2020 թ․ պաշտոնական այցով կմեկնի Բելառուս՝ մասնակցելու տարածաշրջանների III ֆորումին»,- ասված է մամուլի ծառայության հաղորդագրության մեջ:
Միջոցառումը պետք է տեղի ունենա 2020 թվականի հոկտեմբերին Գրոդնո քաղաքում:
Բելառուսական կողմը, որպես նվեր ֆորումի առիթով, նվիրել է նաև Զելենսկուն և նրա կնոջը երկու ասեղնագործ վերնաշապիկ՝ դրանով ընդգծելով երկու երկրների ժողովուրդների «առանձնահատկությունն ու մշակութային փոխկապակցությունը»: