Մոսկվայի բժիշկները աղջկա կերակրափողից ատամի խոզանակ են հանել, որը նա պատահաբար կուլ էր տվել: Այս մասին հաղորդում է քաղաքային լուրերի «Մոսկվա» լրատվական գործակալությունը:
Գործակալության տվյալներով՝ 22-ամյա մի աղջիկ փորձել է խոզանակով հրել կոկորդում մնացած երշիկի կտորը։
Բժիշկների օպերատիվ միջամտության շնորհիվ, մեկ ժամ անց, էնդոսկոպիայի միջոցով խոզանակը հանվել է աղջկա կերակրափողից։
Ինչպես նշում են լրատվամիջոցները, միջադեպը տեղի է ունեցել ընտանեկան ընթրիքի ժամանակ։ Աղջկա ծնողներն անմիջապես շտապ օգնություն են կանչել։