Վրաստանում ներքին տուրիզմը պաշտոնապես վերսկսվել է՝ կորոնավիրուսի հետ կապված իրավիճակի բարելավման ֆոնին: Այս մասին հայտարարել է կառավարության աշխատակազմի ղեկավար Նատիա Մեզվրիշվիլին, փոխանցում է «ՌԻԱ Նովոստին»:
Ապրիլի վերջին երկրի իշխանությունները սկսեցին չեղարկել համավարակի պատճառով մտցված սահմանափակումները:
«Պետությունն ինտենսիվորեն աշխատում էր ոլորտի մասնագետների հետ, որպեսզի ներքին տուրիզմի բացման դեպքում առավելագույնս հաշվի առնվեն անվտանգության միջոցները»,- ասել է Մեզվրիշվիլին:
Բացի այդ, հանրապետությունում բացվել են այն հյուրանոցները, որոնք հարցում են ուղարկել առողջապահության նախարարություն և համապատասխան ստուգում անցել: