Ֆրանսիայի նախագահ Նիկոլա Սարկոզին հերթական անգամ ցնցել է հասարակությանը` հարցազրույցի ժամանակ լրագրողին անվանելով պեդոֆիլ: Նախագահի զայրույթն առաջացել է այն ժամանակ, երբ լրագրողը նրան հարց է ուղղել կոռուպցիոն գործարքների վերաբերյալ:
Իսկ խոսքը վերաբերել է Պակիստանին վաճառված սուզանավերից ստացված կաշառքներին: Սարկոզին նրան հակադարձել է. «Աշխարհը խելագարվել է: Ձեզանից և ոչ մեկը իրականում չի հավատում, որ ես կարող էի գնալ ու կազմակերպել միջնորդավճարները և կաշառք ստանայի Պակիստանին վաճառված սուզանավերի համար: Դա անհավանական է»,- ասել է Սարկոզին: Եվ որպեսզի ավելի վառ արտահայտի իր միտքը, շրջվելով` լրագրողին ասել է. «Ես ոչ մի բան չունեմ ձեր դեմ, բայց կարծես թե դուք պեդոֆիլ եք… Ո՞վ է դա ինձ ասել: Դա իմ անձնական համոզմունքն է: Կարո՞ղ եք արդարանալ»:
Սարկոզին նաև հայտնել է, որ այդ լուրը ստացել է ինչ-որ «ծառայություններից», սակայն չի բացահայտել դրանք: Դրանով Ֆրանսիայի նախագահը ծաղրել է լրագրողներին, որոնք երբեմն հղում են անում անանուն աղբյուրներին: Այս մասին հաղորդում է ֆրանսիական Le Figaro-ն: Լքելով սենյակը` Սարկոզին բացականչել է. «Մինչև վաղը, իմ պեդոֆիլ ընկերներ»: