Ելույթ ունենալով BBC հեռուստաալիքով՝ ԵՄ արտաքին քաղաքականության հանձնակատար ՔԵԹՐԻՆ Էշթոնը եւ ԱՄՆ պետքարտուղար Հիլարի Քլինթոնը գովեստի խոսքեր են ասել Թուրքիայի հասցեին: Խոսելով Թուրքիայի հնարավոր անդամակցության մասին ԵՄ-ին` ԱՄՆ պետքարտուղարը հիշեցրել է, որ հուլիսին նախագահ Օբաման իր աջակցությունն է հայտնել Թուրքիային այս հարցում: «Սա մի տարածք է, որտեղ մենք քվերակելու իրավունք չունենք, ինչն ունեն անդամ երկրները: Սակայն մենք չափազանց հակված ենք համագործակցելու Թուրքիայի հետ»:
Իր հերթին Էշթոնը, խոսելով Թուրքիայի անդամակցության մասին, ասել է, որ կարեւորում է այդ երկրի դիրքորոշումը. «Նրանք շատ խնդիրներում մեր գործընկերն են` աշխատելով մի շարք տարածաշրջանային եւ միջազգային մարտահրավերներին դիմակայելու հարցում»: