Տնտեսագիտության և խաղաղության ինստիտուտը (IEP) հրապարակել է աշխարհի ամենաապահով երկրների վարկանիշը, հաղորդում է «ՌԻԱ Նովոստին»:
Այսպիսով, ամենաապահով երկիր է ճանաչվել Իսլանդիան, որը գրավել է առաջին տեղը խաղաղասիրության համաշխարհային ինդեքսում (GPI), իսկ առաջատարին հաջորդում են Նոր Զելանդիան և Պորտուգալիան:
Առաջին տասնյակում են նաև Ավստրիան, Դանիան, Կանադան, Սինգապուրը, Չեխիան, Ճապոնիան և Շվեյցարիան:
Ռուսաստանը հայտնվել է 154-րդ հորիզոնականում՝ Սուդանի և Կենտրոնական Աֆրիկյան Հանրապետության միջև:
Միևնույն ժամանակ, ՌԴ ցուցանիշներն ավելացել են «Անվտանգություն և պաշտպանություն», «Միլիտարիզացիա» և «Շարունակվող հակամարտություն» կատեգորիաներում: Երկրի ընդհանուր ցուցանիշը մեկ տարում աճել է 1.3%-ով: