Թուրքիայի Հանրապետության պետական խորհըդի օրակարգում է 1934 թվականին Թուրքիայի կառավարության ընդունած Սուրբ Սոֆիայի (Այա Սոֆիա) տաճարին թանգարանի կարգավիճակ շնորհելու որոշումը չեղարկելու հարցը։ Հայտը ներկայացվել է դեռևս 2016 թվականին։
Հարցը քննարկելու համար հուլիսի 2-ին Թուրքիայի Պետխորհրդի 10-րդ պալատը նիստ է հրավիրել։ Եթե 1934-ին կառավարության ընդունած որոշումը ճանաչվի հակաիրավական, ապա այն չեղյալ կհայտարարվի և Սուրբ Սոֆիայի տաճարը կվերածվի մզկիթի։
Հիշեցնենք, որ նույն պահանջով նմանատիպ մի հայտ ներկայացվել էր նաև 2005-ին, բայց այն մերժվել էր Պետխորհրդի կողմից։
Նշենք, որ Սուրբ Սոֆիան գրանցված է UNESCO-ի համաշխարհային մշակույթային ժառանգության ցանկում և հայտնի է որպես ուղղափառ քրիստոնյաների նշանավոր տաճար՝ կառուցված Բյուզանդական շրջանում (6-րդ դար)։