Թուրքիայում իշխող «Արդարություն և զարգացում» (ԱԶԿ-AKP) կուսակցության վարկանիշն առանց «Ազգայանական շարժում» (ԱՇԿ-MHP) կուսակցության աջակցության կազմում է մոտավորապես 30%։ Նման պատկեր է գրանցվել «Konda» կազմակերպության կողմից իրականացված սոցիոլոգիական հարցումների արդյունքում:
«Konda»-ի ղեկավար Բեքիր Աղըրդըրն ընդգծել է, որ վերջին 70 տարում ընտրությունների արդյունքն ուղղակիորեն պայմանավորված է տնտեսական աճի ցուցանիշներով. եթե տնտեսության աճ է արձանագրվում, իշխող կուսակցության վարկանիշը բարձրանում է, և հակառակը:
2019-ի ՏԻՄ ընտրություններում իշխող «Արդարություն և զարգացում» կուսակցությունը, «Ազգայանական շարժում» կուսակցության հետ կազմած «Ժողովուրդ» դաշինքով, ստացել էր 51.64% քվե, որից ԱԶԿ-ի ձայները կազմում էին 44.13%: Այսինքն վերջին ընտրություններից հետո ԱԶԿ-ի վարկանիշը նվազել է 14%-ով, նշում է Աղըրդըրը: