ԱՄՆ նախագահ Դոնալդ Թրամփը դատապարտել է Վաշինգտոնի քաղաքապետ Մյուրիել Բոուզերին՝ քաղաքում անկարգությունների ժամանակ Ազգային գվարդիայի գործողություններին դիմակայելու համար: Համապատասխան հայտարարությունը նա հրապարակել է Twitter- ում:
Սպիտակ տան ղեկավարը ընդգծել է, որ Ազգային գվարդիայի աշխաատակիցները փրկել են Բոուզերին «մեծ ամոթից»՝ բողոքի շարունակական ցույցերի ֆոնին, ինչպես նաև քաղաքապետին մեղադրել է Ազգային գվարդիայի ուժերի դեմ «պայքարելու» մեջ:
«Եթե նա լավ չվերաբերվի այս տղամարդկանց և կանանց, ապա մենք տղամարդկանց և կանանց մեկ այլ խումբ կբերենք», – եզրափակել է Թրամփը:
Հիշեցնենք, որ մայիսի 25-ին Մինեապոլիսի ոստիկանները ձերբակալել էին աֆրոամերիկացի Ջորջ Ֆլոյդին։ Ձերբակալելու պահին ոստիկանը տղամարդուն պառկեցրել էր գետնին ու ծնկով սեղմել էր նրա վզին։ Անտեսելով տղամարդու շնչել չկարողանալու մասին խոսքերը՝ ոստիկանը հրաժարվել է նրան բաց թողնել, ինչի հետևանքով Ֆլոյդը մահացել է: