Կիպրոսում, որտեղ երեկ համաճարակի սկզբից ի վեր առաջին անգամ վարակի նոր դեպքեր չէր գրանցվել, կրկին կորոնավիրուսի 2 դեպք է արձանագրվել: Նման տվյալներ է հրապարակել երկրի առողջապահական մարմինը, գրում է «Եվրոպեյսկայա պրավդա»-ն՝ Cyprus Times-ին հղումով:
Ինչպես նշվում է, հիվանդներից մեկը արտասահմանից վերադարձած քաղաքացի է:
Այսպիսով, համաճարակի սկզբից ի վեր հաստատված դեպքերի թիվը հասել է 960-ի: Համաճարակի ժամանակ մահացել է 17 մարդ:
Կիպրոսը որոշել է հունիսից զբոսաշրջիկներ ընդունել 19 երկրներից՝ կորոնավիրուսի թեստի բացասական արդյունքի առկայության պայմանով: