Լուրեր
Որքանով է հավանական կրկնավարակը, ինչպես է որոշվում մահը կորոնավիրուսից է․ պարզաբանում են բժիշկները
  • 21:15
  • 2020-06-05
  • Դիտումներ՝ *

«Թվերը չպետք է սարսափեցնեն. հանրության մեջ իմունային պաշտպանիչ շերտ է ձևավորվում, որը կբերի համաճարակի մարմանը, մինչդեռ որոշ ելույթներ հենց խուճապ առաջացնող նպատակ են հետապնդում». այսպիսի դիտարկում է արել առողջապահության նախկին նախարար Արարատ Մկրտչյանը:

Թեմայի շուրջ «Առաջին լրատվական»-ի հետ զրույցում ԵՊԲՀ ինֆեկցիոն հիվանդությունների ամբիոնի դոցենտ Մելանյա Շմավոնյանը նշեց. «Ես համաձայն եմ վերնոշյալ դիտարկման հետ: Մարդկությունն այս վիրուսի հետ նոր է հանդիպել, պետք է հոծ զանգվածներ այդ վիրուս հետ կոնտակտի մեջ մտնեն՝ հիվանդանան, որպեսզի ձեռք բերեն պաշտպանվածություն, այսինքն՝ իմունիտետ»:

«Կոլեկտիվ իմունիտետ կարող է ձևավորվել կա՛մ բնականոն ձևով, կա՛մ պատվաստանյութով, հիմա պատվաստանյութ չկա, իմունիզացիան բնական ձևով է ընթանում, դեռ հայտնի չէ, թե այս վիրուսի նկատմամբ ձեռք բերված անընկալությունը որքան կտևի… Հանրային կոլեկտիվ իմունիտետ պետք է ձեռք բերվի փուլ առ փուլ, արհեստականորեն պրոցեսն արագացնելը ընդունելի չէ, դա կբերի առողջապահական համակարգի կոլապսի »,- նշեց ԵՊԲՀ համաճարակաբանության ամբիոնի դասախոս Արման Բադալյանը:

Համավարակը նոր երևույթ է, որն ամեն օր ուսումնասիրվում է: Քննարկման մասնակիցներն անդրադարձան նաև հարցին, թե ինչպես է որոշվում՝ մահը կորոնավիրուսից է, թե կա այլ պատճառ: «Կա ընդհանուր մոտեցում. ԱՀԿ-ն առաջարկում է հետևյալը. եթե պացիենտի մոտ առկա է կորոնավիրուսային վարակ և վրա է հասել մահը ու այլ ակնհայտ պատճառ չկա, օրինակ, տրավմա, խորհուրդ է տրվում մահը գրանցել որպես մահ կորոնավիրուսից»,- նշեց ԵՊԲՀ դասախոս, հանրային առողջության մասնագետ Դավիթ Մելիք-Նուբարյանը:

Մանրամասն՝ տեսանյութում:

  • Դիտումներ՝ *