ԱՄՆ նախագահ Դոնալդ Թրամփը երախտագիտություն է հայտնել Իրանի իշխանություններին՝ ԱՄՆ ռազմածովային ուժերի վետերան Մայքլ Ուայթին ազատելու կապակցությամբ: Այս մասին նա գրել է Twitter- ում:
«Շնորհակալություն Իրանին: Մի՛ սպասեք մինչև ԱՄՆ-ի ընտրությունների ավարտը` մեծ գործարք կնքելու համար», – ասել է ԱՄՆ առաջնորդը` հավելելով, որ պատրաստվում է հաղթել առաջիկա նախագահական ընտրություններում:
Ուայթը ավելի վաղ իրանական բանտում վարակվել էր կորոնավիրուսով և գրավի դիմաց ազատ արձակվել ու տեղափոխվել Թեհրանում Շվեյցարիայի դեսպանատանը, ինչից հետո նրան տեղափոխել են հիվանդանոցում:
Իսլամական Հանրապետությունում նա 10 տարվա ազատազրկման էր դատապարտվել մասնավոր տեղեկատվության մասին օրենքները խախտելու և երկրի գերագույն առաջնորդ այաթոլլահ Ալի Խամենեիին վիրավորելու համար:
