Ընդամենը մի քանի ամսում աշխարհը փոխվեց, փոխվեցին բոլոր այն գրված ու չգրված կանոնները, որոնք ընդունված էին։ Փոխվեցին հարաբերությունները, մարդիկ, հոգեբանությունը։ Եվ շատերի պնդմամբ՝ անգամ աշխարհաքաղաքական քարտեզը։ Այս թեմայի շուրջ «Առաջին լրատվական»-ը զրուցել է պատմաբան Վահրամ Թոքմաջյանի հետ։
Հանրության կողմից տարաբնույթ մեկնաբանությունների է արժանացել մի քանի ոստիկանի մասնակցությամբ տեսանյութը, որ տարածվել է համացանցում. ոստիկանները բռնություն են գործադրում դիմակ չկրած քաղաքացու նկատմամբ: Ոստիկանությունն արձագանքել է, որ կիրառվել է համաչափ ուժ, ինչի իրավունքը կա, եթե քաղաքացին չի ենթարկվում ոստիկանի օրինական պահանջին:
Հիշենք՝ հեղափոխությունը սկսվեց «Ոստիկանը մերն է» կարգախոսով, սակայն հեղափոխությունից հետո ոստիկանը չգիտի ինքը ումն է՝ պետությանն է, հասարակությանն է, հարևանինն է… Ինչպե՞ս են փոխակերպվել ոստիկան-քաղաքացի հարաբերությունները:
Վահրամ Թոքմաջյանի դիտարկմամբ՝ ոստիկանության նկատմամբ վախը վերացել էր 2008թ. Մարտի 1-ից հետո: «Ոստիկանությունը պետության հիմնարար ինստիտուտներից մեկն է, և անկախ իշխանությունից, ունի լեգիտիմ ուժ կիրառելու իրավունքը… Հեղափոխությունից հետո ոստիկանությունը պետք է բարեփոխվեր… Ոստիկանությանը դուխ տալ է պետք և՛ իշխանության, և՛ հասարակության կողմից»:
Մանրամասն՝ տեսանյութում: